POSITIVELY. UN ENCONTRO CASUAL - Santoro de Membiela, Jaime

- Esta é a primeira obra do autor, que fai penetrar ao lector nun universo no que realidade e ficción se mesturan. Coma caixas chinesas, a narración vaise abrindo a novas realidade conforme o libro avanza. As reviravoltas desta historia impredecible lévannos polos vieiros do amor. O protagonista, Fran, busca a Laura nun movemento que vai do mundo da ficción á vida, para volver despois á literatura como única realidade na que o desexo e a imaxinación teñen posibilidades de triunfar. Unha canción de Bob Dylan serve de colofón e leitmotiv a este orixinal experimento narrativo que confirma un novo autor, cun mundo de seu e un xeito distinto de contar historias.